• 無神論者的巴別塔

NFT藝術品初接觸(一):點樣從潛力NFT中尋寶?

NFT最近灸手可熱,好多藝術家、各式各樣嘅IP持有人,都磨拳擦掌打算發行NFT分一杯羹。而對於一般小投資者而言,除咗追入擁有相關概念嘅Crypto:例如一隻我好早留意,但一直無入嘅Chz,雖然近排有所回落,但相比起三月頭爆升前仍有9倍以上升幅。其他例如Enjin、Bake、SAND之類嘅NFT概念幣,都響早前不同時段出現爆升情況。


響炒完幣後,下一步投資者想接觸嘅自然就會係直接購入NFT本身:除咗因為擁有NFT本身就有一種收藏趣味外,藝術品本身嘅升值潛力隨時更係相關概念Crypto嘅十倍、百倍以上。


之但係個個都想靠NFT賺錢,唔通個個最後都真係賺倒錢咩。先唔好講外國,就連香港都即將來臨NFT數量嘅井噴式爆發,所以點樣揀有升值潛力嘅NFT收藏,其實難度同樣比起響Crypto市場高十倍、百倍以上。


身邊識得嘅NFT投資者,大多都係會選擇外國而家炒得熾熱嘅品牌例如Cryptopunk投資,佢嘅好處係本身炒開有條路,有一定市場支持先;但問題卻係市場升值潛力有限,同埋唔知幾時摩頂接火棒。


相對而言,我係比較推介大家留言香港NFT市場,因為一來我地有「地利優勢」比較容易Trace倒相關嘅報導同市場關注度,二來香港NFT起步較慢,追落後爆升嘅尋寶機會亦更大。


之不過選擇本地NFT當然亦會有伏,所以我會有幾個建議:


一、要將NFT視之為一個Collect去睇,而唔係一個個隨心感興揀一個半個黎買,因為NFT炒唔炒得起,其實係好睇成個NFT Collection嘅團隊做唔做倒嘢。好似最近有兩個NFT Project,一個以抗爭為賣點,另一個則以流行文化作為主題嘅NFT,我覺得就做得幾肉酸。


兩者只係單丁推一個NFT出黎賣之餘,宣傳又乏力缺乏連動效應,好有「願者上釣」Feel。兩個NFT好巧合都係響拍賣好長一段時間都缺乏交收,而一直去到臨Deadline之前先一嘢比「金主」炒高個價,造市意味亦濃。但更重要係,如果NFT唔能夠造成一個Series,無辦法凝聚關注度,咁NFT本身好快就會淹沒響其他競爭者之下,好快沈底無人記得。


二、姑勿論呢兩個NFT Project係想搵錢、比fans課金支持、定係為一個崇高目標眾籌,都需要一個吸引人嘅Story,而唔係硬推一舊嘢出黎就自然成功。一個吸引人嘅Story有好多元素,例如經由一個權威嘅組織、創作人推出;響果個範疇係有創新意念嘅;甚至乎令你覺得成個NFT Project將會有好強生命力,長造長有,都係一個成功故仔嘅構成元素。


三、拋棄NFT本身嘅現實價值。好多人睇NFT都會有一個感覺:「咁樣賣都值錢嘅」。其實以今日嘅仿製技術,傳統藝術品同假貨對一般人黎講基本上已好難分清楚,所以藝術品真跡個價值已唔單單係所謂「藝術美」本身,而係背後一連串嘅認證、交易價值。


NFT其實亦係同樣道理,價值已唔係在於條片/由畫/MP3值唔值錢,而係佢成個Collection本身、成個Story本身、NFT個創意本身、甚至成個公關/宣傳規模比唔比倒市場信心。呢樣就係點解我覺得大家入手香港NFT會有相對優勢,因為我地鑑賞本地NFT潛力會比外國人高。


四、最後就係價格問題。我會建議大家最初買NFT唔好太重手,一買就買幾粒值ETH嘅作品。可以從一啲比較平嘅作品試下(不過平極可能都要0.幾粒ETH,幣安鏈暫時未睇倒有乜香港有潛力的NFT,唔係都可以考慮下);


同埋唔需要擔心香港NFT外國人唔會關注,因為炒得起就阿豬阿狗都會追入架啦,你有地主優勢食倒頭啖湯,呢個反而係真正嘅關鍵。


記住用下面條LINK申請KIKITRADE ACCOUNT


https://share.kikitrade.com/kiki_landing_page?code=XKSuz&locale=hk&fbclid=IwAR2anpMsI-EUIhrQjRqfLkDNx4VmlEid5sXsu0fxQuP_5ks9Z4Vb2yU2G6M


329 views0 comments

Related Posts

See All

KIKITRADE GAMEFI體驗日

作為一條毒L,基本上都不太習慣出席各種應酬式的公開場合,但今次KIKITRADE搞GAMEFI體驗日我卻終於打破慣例主動報名出席,原因是過去一直對於這個範疇一直只停留於基本認識,因此也厚著面皮前去「見學」一下。 今次KIKITRADE的GAMEFI DAY其實只是一個小型EVENT,展出的遊戲也只有四個,然而多得在場職員熱心解說,我也對幾個Project了解一個大概: 第一款是他們重點開發的Pro