• 無神論者的巴別塔

NFT藝術品初接觸(五):蕭若元 NFT 以四枚 ETH 售出的啟示

近來NFT市況一片向好,Opensea一直成為以太坊耗費最高Gas Fee嘅網站;但除此之外,香港NFT界別最近亦發生一件指標性事件:就係全港最受歡迎KOL蕭若元拍賣其NFT,最終以四枚ETH售出。


蕭若元NFT同我之前講嘅Cryptopunk、Bored Ape參數催生式NFT唔同,佢係透過將自己過往響網上發表過嘅精選片段,剪輯或重拍製成NFT,然後再加入額外條款出售。例如目前成功拍賣嘅「粗口NFT」,除咗有佢經典36字粗口片段,中標者更加可以獲得蕭若元親筆簽名一個,這就是將收藏品同現實價值聯繫埋一齊嘅典型案例。


雖然我同蕭若元在政見上分歧甚大,然而亦不得不多謝佢拍賣NFT對香港幣圈嘅貢獻:即使去到而家,香港仍然有好多上咗年紀嘅網民認為加密貨幣係一個騙局,更莫講話收藏NFT。今次蕭生響拍賣NFT嘅同時,更加特別拍片由零開始教學,逐步逐步手把手教一班長者Fans如何開設電子錢包、網上購買Crypto,然後再用WETH參與拍賣NFT──呢個做法響廣東話族群就算唔係首創,亦肯定係最有影響力嘅一段長者投資加密貨幣/NFT嘅教學短片。


不過欣賞還欣賞、佩服還佩服,蕭若元有推廣Crypto同NFT市場,同佢本身推出嘅NFT值唔值得投資係兩回事。目前蕭生推出嘅第一輪NFT總共有兩Set,分別係36個字粗口系列同《楊州慢》節錄;另外總數6個NFT入面當中4枚NFT亦分別擁有附加條件,分別為親筆簽名、同蕭生響台灣食餐飯等。


我認為要評估蕭生NFT有否升值潛力,先決條件都係要等佢公佈究竟往後會唔會有一套完整嘅路線圖,有效限制產量;另外就係創意問題,即係出NFT如果要打開大眾市場,而唔係停留於只係作為搾取Fan屎剩餘價值嘅搖錢樹,就一定要有佢吸引嘅賣點:而家蕭生燈神MEME圖滿天飛,何不找出原創作者們合作推出「燈神系列NFT」?到時就連我都應該忍唔住買番個紀念。


至於蕭生以外嘅香港NFT,暫時我都仲係睇唔倒有咩突出嘅Project,之前介紹過嘅《虛實兵譜》系列(https://opensea.io/collection/abstractions-of-war-instruments),近來推出第二輪,我自己就幾鍾意佢將古董融入NFT嘅概念,大家可以保持住觀望態度,再等再出到咁上下之後評估下有無潛力。

280 views0 comments

Related Posts

See All

KIKITRADE GAMEFI體驗日

作為一條毒L,基本上都不太習慣出席各種應酬式的公開場合,但今次KIKITRADE搞GAMEFI體驗日我卻終於打破慣例主動報名出席,原因是過去一直對於這個範疇一直只停留於基本認識,因此也厚著面皮前去「見學」一下。 今次KIKITRADE的GAMEFI DAY其實只是一個小型EVENT,展出的遊戲也只有四個,然而多得在場職員熱心解說,我也對幾個Project了解一個大概: 第一款是他們重點開發的Pro