• 無神論者的巴別塔

一日搞唔掂Gas Fee問題,一日呢個都係跨鏈同CEFI嘅世界

London Fork推出後,大部份人都憧憬於新嘅挖礦獎賞機制,將持續銷毀ETH造成通縮效應,但我卻聚焦響究竟呢項更新能唔能夠解決Gas Fee太高問題,而結果卻係令人「失望」嘅。


雖然響London Fork更新前後,Gas Fee曾經一度因為增加Gas Limit、引入Flashbots機制排除挖礦機械人程式套利行為、大量側鏈/Layer 2應用等原因回落,然而去到而家呢一刻又漲到令人難以忍受嘅幅度,原因在於兩大項目,一個就係日日瘋炒嘅NFT,另一個則係Axie Infinity之類嘅 Play to earn遊戲。


但如果你有追住睇 https://etherscan.io/gastracker 嘅數據,就會發現NFT拍賣網站Opensea經已一枝獨秀,而且Gas Fee高峰期亦唔再單單限於個別時段,而係全天候都咁繁忙。


依排唔知大家有無留意到,每逢香港凌晨12點左右開始,Gas Fee就會不乎常理咁暴增到幾百甚至過千以上,原因就係在於而家好多重點NFT Project為咗遷就歐美時間,都選擇響呢個時間推出。但問題係隨住NFT嘅二手市場愈來愈熾熱,Opensea交投對Gas Fee嘅影響至今已遍及全日大部份時間。


Gas Fee手續費昂貴最直接帶黎嘅影響係乜嘢?就係你發覺每做一樣嘢都要付出昂貴到你唔捨得嘅代價。好似我長年響銀包擺咗兩千幾USDT,原先就係準備愛黎買貨;一到大升市之際,我小試牛刀用咗當中500UDST換隻垃圾幣黎炒下,點知發現剩係比Gas Fee經已比咗50蚊美金!


然後我發現,無論係匯兌、玩DEFI做流動性挖礦甚至只係想轉走啲幣,每一項行動都要至少花幾十蚊甚至過百蚊美金,比起當日Gas Fee尚平的時候,大概高出五至十倍左右,結果我就成堆錢Stuck咗響度。


過去一直覺得,中心化交易平台,例如Kikitrade、幣安之類個兌換價未必咁好,但其實佢地經已好大程度上分擔咗你響兌換、出入金過程入面嘅Gas Fee,令你可以用比原先響區塊鏈上面較低嘅成本做呢啲動作。真係去到痛時方知你的好呀。


當然對於好多連電子錢包都唔開,只專心響中心化交易平台Trade幣嘅朋友黎講,Gas Fee好似對你地無乜關係,但其實卻代表咗好多區塊鏈應用將會有爆升潛力。而家SOL升到癲咗,當中好大原因就係因為ETH嘅頻寬容量經已唔容許佢處理咁大量嘅交易,唯有將上面所講嘅DEFI、Pay to Earn、NFT應用轉去Solana呢類側鏈去進行。呢種「溢出效應」持續落去,其他側鏈/Layer 2方案例如Polygon、Harmony、Fantom及其相關Crypto當然會係最終受益者;


另外就係去中心交易所價值又再因為Gas Fee高昂而獲重新重視:FTT創新高之後,BNB還會遠嗎?究竟Kikitrade幾時做IEO?到時記住預番啲Option比我……

287 views0 comments

Related Posts

See All

KIKITRADE GAMEFI體驗日

作為一條毒L,基本上都不太習慣出席各種應酬式的公開場合,但今次KIKITRADE搞GAMEFI體驗日我卻終於打破慣例主動報名出席,原因是過去一直對於這個範疇一直只停留於基本認識,因此也厚著面皮前去「見學」一下。 今次KIKITRADE的GAMEFI DAY其實只是一個小型EVENT,展出的遊戲也只有四個,然而多得在場職員熱心解說,我也對幾個Project了解一個大概: 第一款是他們重點開發的Pro